ငါး

ငါးအသေကောင် လိုချင်ရင်
ဈေးမှာဝယ်ပါ

ကြောက်လန့်နေတဲ့ ငါးတစ်ကောင်လိုချင်ရင်
ပိုက်ကွန်တွေနဲ့ ဖမ်းပါ

ဒဏ်ရာ ရနေတဲ့ ငါးတစ်ကောင် လိုချင်ရင်
ငါးမျှားချိတ်မှာ အစာတပ်ပြီး မျှားပါ

အရုပ်နဲ့ တူတဲ့ ငါးတစ်ကောင် လိုချင်ရင်
မှန်တွေနဲ့ လုပ်ထားတဲ့ ရေကန်အတုထဲမှာ မွေးပါ

ငါးအစစ် တစ်ကောင် လိုချင်ရင်တော့
ကျောက်ဆောင်တစ်ခုလို ရပ်နေပါ

ရင်ဘတ်ကို ဖွင့်ထားပါ
လမ်းမှားလာတဲ့ ငါးအစစ်တစ်ကောင်က
မင်းရဲ့ နှလုံးသားကိုတောင်
ဝင်ပြီး တိုးခွေ့သွားလိမ့်မှာ

အသက်ရှုသံတွေနဲ့
ရေလှိုင်းတွေကို ဖန်ဆင်းလိုက်တဲ့အခါ
ပျော်ရွှင်စွာ ကစားနေမယ့်
ငါးအစစ်တစ်ကောင် ကိုရရှိမှာ

မင်းရဲ့ လက်ချောင်း တွေနဲ့ သူ့ကို
ဖမ်းဖို့ မကြိုးစားတဲ့အထိသာ။

မြင့်မိုးအောင်

ရေစီးထဲမှာ

ရေစီးရဲ့
အားကောင်းမောင်းသန်
သူရဲကောင်းဆန်တာတွေ
တသသပြောနေကြပေမယ့်။

တိုက်စားခံသွားရတဲ့
မြေကမ်းပါးအစအနတွေ
ရေစီးနဲ့အတူမျောပါနေတာ
ဘယ်သူမှသိမှာမဟုတ်ဘူး.......။

ညွန့်သစ်

(ကောင်းကင်ပင်လယ်၊ကဗျာစာအုပ်မှ)

နာမည်

ကျနော့်သားက မေးတယ်။

‘ကြယ်တွေမှာ

နာမည်ရှိသလားဖေဖေ’တဲ့။

မြစ်ကမ်းနဖူးမှာ
ထိုင်တဲ့ည
သားက
ကောင်းကင်ကိုငုံ့ ကြည့်နေတယ်။

ကျနော်က
ကြယ်တွေတလက်လက်ထ
ရေစီးထဲငေးလို့ ။

အေး-မတော်တဲ့ကြယ်တွေမှာ
နာမည်မရှိဘူး
တော်တဲ့ကြယ်တွေကျတော့
… … … …
… … … …။

အဲ့ဒီလို အဲ့ဒီလို
ကြယ်တလုံးချင်းစီရဲ့ နာမည်
ကျနော်ပြောပြ။

ဖေဖေ…ဒါဆိုရင်
ကမ္ဘာပေါ်မှာ
သားနာမည်နဲ့ ကြယ်လည်း
ရှိမှာပေါ့နော်။

ကျနော် သားကိုပြုံးကြည့်ရင်း
ခေါင်းညိတ်ပြတော့
သားကပျော်သွားပြီး
ကျနော့် မျက်လုံးထဲမှာ
သူ့ နာမည်နဲ့ ကြယ်ကို
ရှာတွေ့ သွားတယ်။

သားက ဖအေထက်
ပိုပြီးတော်ရမယ် မဟုတ်လား။

ကျနော်က သားကိုထမ်းလို့ 
ကျနော့်ကို
မြစ်ကမ်းပါးကထမ်းလို့ 
အိမ်ပြန်လာတဲ့လမ်းမှာ
ခေတ်ကလည်း
စီးတုန်းပါ။

ဖအေ နဲ့ သား
လွမ်းမိတဲ့ တရားမှာ
နာမည်တွေလည်း
စီးဆင်းနေတုန်းပေါ့။ ။

အောင်ဝေး

(၁၉၉၉)

သပြေညို

                                        သူ့ခေါင်းမှာတဲ့    သပြေညို
                                         ငါ့ခေါင်းမှာတဲ့     သပြေညို။

                                         တို့ပြေမှာ   တို့မေ   ကမ်းပါတဲ့
                                         သပြေညို     ရွှေဘိုပန်းဟာက
                                         လန်းလျက်ပါကို။

                                         ဘာမလျှော့လေနဲ့
                                         လာတော့မကွဲ့   ရွှေဗဟိုရ်
                                         လေချိုကအသွေး။

                                         လင်းကြက်အဆော်
                                         ကွင်းထက်မှာ  တူပျော်ပျော်နဲ့
                                         စည်တော်ကို     ရည်မျှော်မှန်းကာပ
                                         ရောင်နီမှာ    အောင်စည်ရွှမ်းရအောင်
                                         သပြေညို    ရွှေဘိုပန်းရယ်နဲ့
                                         လှမ်းကြစို့လေး။         ။

                                                                                   မင်းသုဝဏ်

ပကတိအဖြူ

ယာယီရှုံးနိမ့်သွားတဲ့ အမှန်တရားဟာ
ယုတ်ညံ့တဲ့အောင်ပွဲထက် စွမ်းအားပိုရှိပါတယ်။ 
(မာတင်လူသာကင်း) 

အဖြူနဲ့အမည်း
အမှောင်နဲ့အလင်း
တိုက်ပွဲတွင်းက
မာတင်လူသာကင်းဆိုတဲ့ လူစွမ်းကောင်း
ပေါ်ထွန်းခဲ့တယ်။
အတိတ်စကား
အတိတ်ကားလည်း
လှုပ်ရှားသက်ဝင်
ရာဇဝင်မှာ
အားအင်မာန်တင်း
စိတ်သစ္စာသွင်းတယ်
ရန်သူ့ထမင်းနဲ့
ငါမကြီးပြင်းလို
မင်းရဲကျော်စွာ
ရာဇဝင်ကမ္ဗည်းထိုးခဲ့တယ်။
ငြိမ်းချမ်းရေးနဲ့ အမှန်တရား
သေခြင်းမဲ့ အမတတရား
သက္ကရာဇ်ရထားက တင်ဆောင်သွား။

အောင်ဘညို

ရယ်စရာမဂ္ဂဇင်း၊ အောက်တိုဘာ၊ ၂၀၀၉။

ကဗျာ

နက်ရှိုင်းတဲ့
ပင်လယ်ကြမ်းပြင်အောက်
ထိတွေ့ရောက်ရှိဖို့အတွက်
အသက်ရှုကရိယာမပါဘဲ
ထောက်မီနိုင်တာ  ကဗျာ။

ကောင်းကင်ကိုပျံတက်
စက်မတပ်ရွက်မခပ်
ငှက်အတတ်မတတ်လည်း
လှည့်ပါတ်လို့ပြန်နိုင်တာ  ကဗျာ။

ကမ္ဘာမြေတလွှား
စိတ်သွားတိုင်းကိုယ်ပါ
လိုရာနေရာကို
ယာဉ်ရထားမပါ
အရောက်သွားနိုင်တာ  ကဗျာ........။

ညွန့်သစ်

(ကောင်းကင်ပင်လယ် ကဗျာလုံးချင်းစာအုပ်)